政情：霍震霆瞓身打理南沙業務

日前我哋就喺一個演藝界酒會遇到Tim霍，當然問吓佢近況點啦。Tim霍話，雖然依家冇喺立法會，但工作一樣咁忙，最近成日都要走嚟走去，大部分時間都留喺南沙，因為要繼承父親霍英東嘅遺志，發展南沙海濱花園，推動粵港合作，所以依家每逢香港有重要活動出席時，佢先至會返香港。

至於做咗十幾年立法會議員，點睇班議會新丁，Tim霍就冇正面回應，淨係話自己離開咗議會好感觸，因為議會工作令佢認識到好多演藝、體育及文化等界別嘅朋友喎。