乘客轟九巴狂掠水四成

九巴265M線及265B線皆由天水圍天恒總站開出，到達大欖隧道轉車站前駛經路線大致相同，在天逸、天慈等多個屋苑均設分站，收費卻差一大截，265M線收費十元，265B線則為十三元八角。家住天水圍的陸先生每前往觀塘均在大欖轉車站轉車，質疑九巴「掠水」，「兩架車啲站幾乎一樣，點解搭265B要畀多啲錢？天水圍車費已經貴，咁搞法好呃錢啫！」

建議分段收費

記者曾在上班繁忙時間於大欖隧道轉車站觀察，發現乘搭265M線轉乘其他路線的乘客明顯較乘搭265B線為多，前者車廂更擠得水洩不通。除上述路線外，69M線及69X線亦出現同樣情況，兩線由天瑞至大欖隧道一段駛經路線完全一樣，但69X線車資卻較69M線多四元七角，但轉乘優惠卻劃一收費。

車多人疏 收費較高的265B線巴士較少搭客，班次卻較收費較平的265M為多。

黃卓健指265M收費較便宜，令乘搭者眾。

元朗區區議員黃卓健表示，車資各異令居民偏向乘搭收費較低的巴士線，惜班次不足，「平嗰架車一定多啲人搭，九巴唔單止冇加密班次，仲成日脫班，搞到要搭265M嘅成日上唔到車！」黃認為九巴應實施分段收費，倘目的地相同，在同一車站登上不同路線巴士的總車資更應一視同仁。

林小姐：「兩條線經嘅站幾乎一樣，有乜理由其中一條收貴咁多，巴士公司唔應該咁掠水！」

胡小姐：「265M太多人搭啦，搞到成日飛站，九巴應該加密班次同調整番收費！」

「兩條線到大欖轉車站前啲站差唔多，冇理由唔同收費，九巴訂車費都幾閉門造車！」民間監管公共事業聯委會發言人蔡耀昌指出，九巴釐定車費前鮮有展開地區諮詢，令車資不公情況時有出現，直指負責審批的運輸署須做好把關工作，密切監察車資水平。

九巴發言人並未解釋收費差異原因何在，只稱會對乘客意見記錄在案；至於大欖隧道轉乘優惠則以簡明清晰為原則，故第二程巴士會按剩餘距離收取劃一車資，有關車資已獲運輸署批准。

運輸署發言人指，專營巴士須依據各線組別與行車里數、並遵照「車費等級表」訂車費。基於自由營商精神，巴士公司對個別路線會否提供任何優惠措施，屬巴士公司商業決定。由於265B線全程行車里數較265M線長約六點六公里，故車費較貴。

記者：陳倩儀、楊育輝