政情：公民講場：公院專科醫生又爆煲 陳肇始諗唔掂數

公立醫院亂象不絕，床位爆、醫護人員短缺做到爆，就連專科輪候時間都愈排愈長。尋日有一個調查結果發現，訪問咗啲啱啱離職嘅專科醫生，原來佢哋覺得照顧病人嘅時間唔夠，所以劈炮走人。其實公院鬧醫生荒好耐，縱使依家醫委會通過請海外醫生嘅政府方案，但係仲要等，根本係遠水救唔到近火，公院十個煲得兩個蓋冚極都冚唔到，食物及衞生局局長陳肇始快啲諗計，若果啲煲不停爆，肯定爆民憤。