中環出更：蔡關穎琴派大仔做「訊差」

駐紮瀋陽 鋪路接班

蔡太話，雖然囝囝做「訊差」，但唔怕職位低微，最緊要學到嘢，難得佢囝囝唔嫌瀋陽天寒地凍，返工好enjoy。蔡家喺瀋陽有數十億元投資項目，包括商場及地產項目，家族旗下嘅新華瀋陽國際金融中心將於今年九月開幕，所以Johnson去到瀋陽，大把機會學嘢。蔡生望子成龍，一於為囝囝打氣，日前抽空飛瀋陽探班。

大仔北上特訓，蔡太亦未見得清閒，事關佢二女Jocelyn將要考大學，近期埋頭苦讀，心情緊張。Jocelyn希望留學外國，攻讀傳理系或市場學，蔡太當然唔捨得啦，寧願囡囡留港升學，等佢唔使牽腸掛肚喎。