笑看天下:一個行動齊創奇迹

《東方日報》同《太陽報》讀者人數創新高,合共超過五百萬,覆蓋全港七成半人口!呢個驕人數字唔係吹出來嘅,而係全球四大國際市場研究公司之一Oracle Added Value調查嘅結果,權威性與公信力毋須置疑。

作為讀者兼作者,老朽與有榮焉,又怎能不拍手狂歌唱凱旋!《東方日報》能夠連續三十五年高踞全港銷量第一,肯定係一張十分好睇兼活力澎湃嘅報紙。咁仲唔止,調查顯示讀者激增百分之八點五,人數超過三百七十三萬;呢個數字,充分顯示《東方日報》讀者群來自四面八方,其影響力當真無遠弗屆。一如「功夫茶」指出,兩報嘅讀者如果一字排開,可以繞地球一圈。不過如今要修正,因為《太陽報》自改版創新風格後銷量飆升,兩報雙劍合璧,人數唔止繞地球一圈,而係繞完一圈仲有剩!

早前出版界流行甚麼《一生必讀十本書》、《一生要做的九十九件事》之類;老朽見到《東方日報》、《太陽報》讀者人數齊創新高,實際上已成為港人每日必睇嘅報紙。

「八方賞鑑還堪佩,四面知音品自揚」,未睇過《東方日報》、《太陽報》,你又點算係香港人?你又點算係睇過報紙呢?《太陽報》「太一叮」話齋:等閒識得東方面,萬紫千紅太陽升。老朽拍手稱善!愛默生曾說:「去,把你所想的化為實際行動!」去!買一份《東方日報》、《太陽報》,一個實際行動,令你放寬視野,掌握時代的脈搏。更重要的是,圍繞地球第三圈——你都有份創造!