【本報訊】土瓜灣馬頭圍道整棟舊樓倒塌意外，揭示出屋宇署處事馬虎，該署的工作態度到現在亦遭批評，有市民昨指○九年接獲屋宇署修葺令，但至今樓宇仍未維修，街坊更曾檢得墮下的石屎，批評署方沒有跟進。另有市民表示，向屋宇署投訴大廈外牆有不少僭建招牌，署方竟回應「等佢拆晒棚架先做到嘢」，她批評「有幾個招牌出咗清拆令，但年幾兩年都冇拆，依家新起嘅仲要再大啲，咁點呢」。
居於深水埗的陳太昨致電電台表示，○九年底已接獲屋宇署的修葺令，但樓宇一直未曾修葺。她曾向當局查詢，但對方只表示不是屬於他的問題，其後又指「個期延遲咗」。陳太指，早前已有街坊拾獲跌下的石屎，「好擔心整親人，我幾十歲冇咁多錢賠畀人。」
居於灣仔一棟五十年樓齡大廈的陳小姐指，曾向屋宇署投訴外牆有多個僭建招牌，「見住佢起但署方話做唔到嘢，要等佢起完拆晒棚架先」。土瓜灣十三街一單位的業主陳女士表示，大廈正進行維修工程，看見鋼筋已出現銹蝕情況，「層樓都好似有肺癆就嚟死咁，點解仲要做埋啲無謂嘢，拆咗佢算啦」。
立法會議員李永達昨批評屋宇署執行清拆令的時間冗長，目前署方發出但仍未執行的清拆令多達五萬多個，不少業主懂得利用法律程序上訴，以致最長可拖十多年仍未清拆，建議縮短有關程序。對於早前死因裁判庭的裁判官建議當局應採「孖咇」，即屋宇測量師及結構工程師一同視察樓宇。工程師學會結構分部主席林少書認為建議值得商榷，擔心兩者互相卸責拖長評估進度。測量師學會建築測量組主席何鉅業指未必需要「孖咇」，應視乎有關程序及樓宇的性質決定。