車房佔用泊位 警方懶理
公眾咪錶泊位常被佔用，令駕駛者「有得睇、冇得泊」。荃灣享和街有多間經營汽車維修及洗車店，陳先生發現附近部分公眾咪錶泊車位，經常被鄰近店舖佔用作清潔及維修汽車之用，令公眾人士無法使用。「搞到啲車位有得睇冇得用，點解會冇警察理？」
警方發言人指出，一直關注上址一帶的違例泊車情況，並不時派員採取執法行動。接獲轉介後，已派員到上址調查並檢控。
「只係間中巡查同檢控，都冇咩阻嚇力，佔用咪錶位嘅問題依然存在，根本解決唔到個問題！」荃灣區議員葛兆源促警方加強檢控，提高執法力度，同時亦呼籲店舖負責人自律，勿佔用公眾咪錶泊位作商業用途。