政情：白雪梅獻唱 無意中「與警同樂」

加拿大回流教粵曲

白雪梅係白雪仙同父異母嘅妹妹，八十年代後期到美國三藩市留學，其後移居加拿大，○九年隨大學畢業嘅囡囡回流返港，現時每星期都會喺文化中心教粵曲班。

白雪梅話，佢一個警察都唔識，只係收到一個朋友電話，邀請佢出席一個慈善活動兼喺台上獻唱首本名曲，但覺得出席呢個活動表演都無乜問題。小學女教師林慧思在街頭爆粗怒罵警員，唔知白雪梅又點睇呢？佢話自己淨係識搞藝術，政治敏感度弱，所以都係唔評論事件。不過，佢之後就話覺得任何人都唔應該講粗口，而且老師身為學生嘅榜樣，就更加應該有較高嘅道德標準喎。