Inflatable Slide濕身誘滑

逾30款充氣滑梯

唔好以為充氣遊戲淨係啱小朋友玩，其實大人一樣玩得，香港充氣遊戲協會執行總監Coman表示：「我哋嘅充氣遊戲超過50款，當中有30幾款係充氣滑梯，唔單止設計款款不同，仲要Size都有分別，如大型滑梯足足有３層樓咁高，瀡落嚟咪話唔刺激，大人細路都啱玩。」

今次小記同Model試玩咗兩款滑梯，當中比較大型嘅「彈跳王國」有6米高，差唔多等於兩層樓咁高，仲有一條巨型滑梯，足以供兩三個人一齊瀡落嚟，又可以直接進入旁邊嘅彈床，喺上面狂跳狂叫，一件充氣遊戲有兩種玩法。

「彈跳王國」的滑梯可同時供3個人齊齊玩，模特兒手牽手瀡落嚟夠晒High。租借價錢：約$5,000/6小時	放大圖片	放大圖片

表面灑水更刺激

假如各位藝高人膽大，覺得幾層樓高嘅滑梯都唔怕，想挑戰更高難度的話，Coman介紹：「如想瀡得更刺激，不妨在滑梯上面灑少少水，一來在炎夏有降溫之用，唔會燙傷背脊，二來可以令滑梯表面更跣，瀡落嚟變得更快更爽，雖然衝擊力相對會較大，但滑梯設計相當安全，大家可以瀡得放心。我哋仲有幾款滑梯專門設計喺水上玩，瀡落嚟直接衝落水更加過癮，最啱夏天玩。」

放大圖片	只要在滑梯上灑上少少水，便能夠滑得更快，玩得更過癮。	充氣遊戲用的樓梯內嵌了硬身塑膠，易於攀爬兼不會跣腳。

除了有滑梯畀各位瀡，唔少款式都附有彈床。	透過兩部風機同時吹風，只需3分鐘左右就有得玩。	香港充氣遊戲協會執行總監Coman表示，淨係滑梯款式都超過30款，兼顧到唔同年齡層。

視乎場地而選擇

其實要擺放咁大件充氣玩意，首要是有足夠地方，Coman指出約20,000呎空間可擺放5~6件充氣遊戲。

若對充氣遊戲有興趣的話，可瀏覽香港充氣遊戲協會網址www.hkig.org。	滑梯必玩推介 細版充氣滑梯勝在用色吸引，後方備有露天彈床。租借價錢：約$3,000/6小時	最大型的滑梯款式有３層樓高，瀡落嚟夠刺激，惟它需要用水馬和飛機帶固定。 租借價錢：約$10,000/6小時

「首先地點要夠平坦和安全，我們可代客預訂場地，香港有超過10個地方可揀，若想知道私人場所夠唔夠位擺，可以度尺或影相畀我哋，我哋可以搵專人視察環境。至於場地附近最好預留一至兩個插蘇位，事關充氣遊戲需要使用風機無間斷吹風，有些大型裝置甚至要同時使用多部風機。若果附近冇插蘇位的話，我哋仲可以提供發電機，而收費則視乎使用時間而定。」

以森林為主題的大滑梯，兩邊設有滑道，可供2人一齊玩。 租借價錢：約$4,000/6小時	同場加映：其他充氣遊戲 人肉保齡球 租借價錢：約$3,000/6小時	迷你手搖船 租借價錢：約$7,000/6小時（水池）、$1,000/每艘船

同場加映：其他充氣遊戲

「Slide the City」殺入香港，詳情可瀏覽網址www.facebook.com/slidethecity.hongkong。

唔少人都會穿着泳裝，自備水泡在滑水道滑行，有啲仲帶埋Action Cam自拍。

人肉保齡球

參考保齡球的玩法，玩家只要進入大型充氣球，再好似倉鼠咁向前行，便可滾動推進撞倒目標，推倒愈多保齡球樽愈高分。

迷你手搖船

在充氣泳池上可以玩迷你手搖船，以雙手絞動兩邊的轉輪前進，是小朋友的夏日消暑之選。

「Slide the City」知多啲

「Slide the City」早於2013年在美國鹽湖城舉行，及後在三藩市、波士頓等各大城市舉辦，主辦單位會在城市擺放長達300米的滑水道，市民只要報名並付費，便能夠穿着泳裝，甚至帶備水泡在滑水道滑行。如今此活動殺入香港，有興趣玩嘅人士可以緊貼「Slide The City HONG KONG」facebook專頁。

撰文：黎子豪

攝影：張群生

模特兒：Seacole、Olivia（Inflate）

查詢電話：3997 3935