插畫師激讚！Tab A意想「筆」到

作為Samsung GALAXY系列的王牌配置，S Pen一直只於高階機款如Note 4等出現，但最近它卻首度加進入門平板GALAXY Tab A，將支筆打橫藏於機頂內。究竟S Pen實際觸感如何？一於請80後插畫師Angryangry幫我哋測試！

S Pen提供不同筆觸、顏色及粗幼選擇，以便畫出不同風格。<br>售價︰$2,298（8吋Wi-Fi版）、$2,898（8吋LTE版）、$2,698（9.7吋Wi-Fi版）、$3,298（9.7吋LTE版）

S Pen提供不同筆觸、顏色及粗幼選擇，以便畫出不同風格。
售價︰$2,298（8吋Wi-Fi版）、$2,898（8吋LTE版）、$2,698（9.7吋Wi-Fi版）、$3,298（9.7吋LTE版）

兩款尺寸

外觀上，Tab A沿用銀灰色直板設計，配以金屬質感的塑膠用料，令全機減磅至334g，Angryangry一拎上手就讚佢夠輕，單手長時間揸住都唔攰，好適合戶外畫畫之用。屏幕則有8吋及9.7吋兩款選擇，4:3比例睇書上網剛剛好，唯一問題係解像度僅XGA級數，放大難免起微粒。觸感方面，Angryangry表示︰「支筆夠輕，用起上嚟手腕冇咁痠，壓落去亦感受到類似真筆嘅粗幼感覺，美中不足係有少許移位。」S Pen其他功能都保留下來，例如Action Memo、擷圖編寫及圖像剪貼等，操作多元化。

擴充性強

Tab A其他功能也比同級入門機為佳，搭載1.2GHz四核心處理器、2GB RAM及16GB ROM，可安裝最高128GB microSD記憶卡，效能及擴充性不俗。系統則升級至Android 5.0，免卻日後手動更新麻煩，而且廠商抽走了很多預載背景程式，令速度進一步優化。值得一提，此機備有Wi-Fi及LTE版本，後者可插SIM卡，兼容中港兩地的3G與4G網絡，很適合經常出Trip的人士使用。