大媽輸清 無客索性放假
點解嘅？一字咁淺，佢哋啲客輸到無晒水（錢）囉！與其冇客坐冷板櫈冇生意做，索性Long Vacation。睇嚟，內地股市情況都真係嚴峻過嚴峻喎。
咁多經紀唔返工，難怪尋日內地股市成交勁低，滬深兩市夾埋成交都係只得六千幾億元人仔，創出咗半年新低。
除咗前線經紀外，聽聞內地嘅券商研究部，都受今次A股冧市影響，分析員少出咗研究報告，費事「寫乜衰乜」，累客仔輸錢就唔好。
老友話，呢個境況，只有幾個字可以形容：真係悶到冇朋友！不過，絲絲暫時未聽聞內地券商有裁員潮。不過，當聽住先好喇。
余絲韻