- on.cc 東方互動主頁
- 4月1日 (二)
希臘新政府同國際債權人嘅援助談判多月來陷入膠着，早前有傳負責嘅大旗手財長瓦魯法基斯權力被架空，但佢可能不甘寂寞，日前向《紐約時報》爆響口，話自己喺上月談判會議之中偷偷錄音，但可惜因保密理由唔公開得。咦，個談判會議講明要保密，仲錄音？
話說上月嘅會議上，有傳瓦魯法基斯畀其他國家財長圍剿，仲好難聽咁叫佢做賭徒，又話佢浪費時間。呢位希臘財長會後仲發咗條tweet，引用美國前總統羅斯福名句:「當所有人憎恨我，我歡迎他們的憎恨」，幾想大家知佢幾咁忍辱負重。點知，佢最近對住《紐約時報》，又話當時無畀人蝦喎，話可惜啲錄音唔公開得！結果就因錄音呢個問題，惹嚟勁多批評。
經濟學者出身嘅瓦魯法基斯出晒名言行惹火，鍾意揸電單車返工，官式出訪歐洲多國時，連西裝都唔披，着皮褸同鮮色恤衫，結果畀人話似二手車Sales同夜總會侍應！不過，佢呢種作風，國民超Like，Twitter就有超過40萬粉絲。佢究竟係輕率？定膽死？
余絲韻
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
