上海人均消費最勁
喺○四年創立嘅支付寶，依家已經有超過3億註冊用戶，每日處理交易量超過8,000萬宗，當中90後嘅用戶就佔差唔多三分一。至於呢10年以嚟，廣東省係累計「最敗家」嘅地區，佔全國總支付比重最大，浙江同上海就緊接住排第二同第三名。不過，以人均消費嚟講，上海就係最勁喇！
睇番少少背景資料，喺二○一一年，阿里巴巴創辦人馬雲就將支付寶從阿里中剝離，當時都引嚟大股東雅虎公司嘅批評，依家支付寶就屬於重組之後嘅阿里關聯公司、螞蟻金服嘅旗下。
繼阿里今年九月喺美國上市後，馬雲上月更表明，「支付寶一定會上市」喎！
余絲韻