南韓畀人印象係重男輕女嘅社會，但首個女總統朴槿惠上場後，正逐漸改變呢個傳統諗法喇！作為南韓電子業巨頭嘅三星似乎要響應吓，佢哋首位外國女高管正式誕生。
據南韓媒體報道，三星中國總公司副總經理張端端晉升為集團常務，成為集團第一個外國女高管。
聽講話，張端端係喺○四年二月入三星，當時職位係三星電子總管中國銷售業務嘅對外合作組組長，佢其中最大功績，係有次三星電子副總裁李在鎔等高管嚟到中國，同中國最高領導層會面嘅時候，張端端喺呢件事上起到好大嘅作用喎。
除咗張端端之外，今次三星集團喺造船同重工行業亦出現咗首個女高管，所以絲絲覺得三星重工呢位新任常務朴馨允都好犀利，話晒呢個業務傳統上都算係「男人專區」。
余絲韻