傅穎住酒店 擺陣扮靚

藝人每次出門都十足搬屋一樣，3、4個篋只是濕濕碎！傅穎近日便拍片公開入住酒店的排場，可謂一絲不苟！戴上卡通頭飾的她在房內逐一介紹，枱上有一堆健康食品及水果，包括一大梳蕉，確保每日都有充足營養，地上則放有一大Pack樽裝水，包保唔會Dry！反而衣櫃相對地顯得「空虛」，可能靚衫仍留在篋內未整理。最誇張是洗手間放滿大量化妝品及護膚品，果然保養對女生來說最重要！