李旻芳玩獨木舟淆底 Aka懸崖游繩驚到喊

前組合Super Girls成員Aka，為無綫綜藝節目《野外步出》上山玩「游繩下降」而嚇到喊；同節目的娛樂新聞主播李旻芳則較大膽，在西貢玩獨木舟時如履平地！Aka受訪時說：「練習時，我企喺90度懸崖邊，落去嗰下好驚，搞咗成分鐘先落去，驚跣腳呀！剛落完雨怕踩落石頭會跣，仲要吊喺半空食蛋答問題，返到去條腰好攰，真係好辛苦！當時我好冇用，忍唔住喊，仲覺得自己好煩又好嘈，好彩最後完成。」
平安過關，Aka擺個靚姿勢留影！
平安過關，Aka擺個靚姿勢留影！

至於食過「夜粥」的李旻芳，原來有玩獨木舟經驗：「現場有教練，我哋拍完仲起咗個帳蓬玩。（有玩開？）朋友有隻私家獨木舟，都有玩過，但唔算好叻。（未試過反艇？）未，但我唔熟水性，都唔敢亂嚟，可能人大咗驚死，加上西貢水域有鯊魚，所以公司預備咗水泡畀我。」

Aka下降時心情緊張，最擔心跣腳。
  • Aka下降時心情緊張，最擔心跣腳。
  • 放大圖片
李旻芳唔熟水性，玩獨木舟唔敢亂嚟。
  • 李旻芳唔熟水性，玩獨木舟唔敢亂嚟。