張繼聰爆肌 謝安琪唔吼

張繼聰日前來到《東網》娛樂onShow接受訪問，主持人陳振安一見Louis的身形弗到漏油，就忍不住問他為何近年不斷操肌？Louis即謙虛說：「其實我一直都有運動同健身，只不過冇因為工作成日要除衫。」

嫌老婆冇眼光

對於Louis突如其來的身形轉變，囝囝張瞻和太太謝安琪亦反應不一，Louis說：「我影響咗個仔都做運動，有時佢見到我，都會做幾吓掌上壓。至於太太就冇特別讚嘆，可能佢喺大學讀美國研究，佢對身形嘅標準係要好似美國軍人咁。」

主持陳振安（左）十分羨慕張繼聰的弗爆身形。

身形弗爆的張繼聰影響到兒子也跟他做運動。

陳振安聞言不禁笑說：「哇！乜佢咁唔識貨o架！」Louis即聳聳肩搞笑說：「好多人都係咁，身在福中不知福！由得佢啦，唔好同佢一般見識！」

創立偶像組合

近期Louis為無綫拍的電視劇反應不俗，故他亦專注在電視圈發展。不過，他在音樂上仍有新搞作，並透露將與組合農夫的陸永、組合朱凌凌成員白只及DJ Galaxy搞組合，他表示：「我哋隊組合叫高矮肥瘦，希望可以走創作偶像、男子天團嘅路線！」陳振安即打趣向Louis說：「高矮肥瘦？咁你一定係肥嗰個啦！」想知道更多Louis的最新動向以及與老婆謝安琪的甜蜜互動，大家記住留意娛樂onShow！

文：專案組

攝：秦健輝

髮型：Jobby Lee@Leighton

服裝：NelsonBlackie

化妝：Pinky Ku