藝人湛琪清為珠寶店示範首飾，其中一套約值三千萬，她笑言未佩戴過如此大卡數的首飾，叫老公要努力賺錢才行：「結婚嘅時候，老公已經好大壓力，因為我父母係做珠寶生意，佢話結婚戒指唔可以失禮。」她表示老公不時會送珠寶首飾給她，又會為她下廚，問到如何回報老公？她說：「我會食晒佢同讚好味。我都試過煮畀佢食，但我冇天分，老公話你整沙律就得。（生個BB做回報？）慢慢先，想過吓二人世界。（有冇計劃幾時生？）冇！依家仲係新婚，仲好Sweet，等冇咁Sweet先！」
