祖兒「一生一世」Mark實劉浩龍

樂壇天后容祖兒首次在紅館開跨年騷，場數一加再加共十場。昨日她穿火紅tube dress長裙出席「ageas富通保險1314容祖兒演唱會」記者會，祖兒坐華麗大床出場，寓意會瞓身演出。她稱為個唱拍了多輯性感照，笑言不會作私下收藏，待個唱反應好再加場，性感照亦會加推請大家眼睛食冰淇淋。

投保過億

席上祖兒獲英皇行政總裁吳雨送上巨型金豬牌，因即場宣布加開兩場，主辦單位又多送兩隻。吳雨取笑祖兒：「你結咗婚咩？咁好生養喎！」之後吳雨再送上1,314支紅玫瑰，賀祖兒新碟銷量四白金。祖兒笑言：「呢個世紀相信冇人會送過千支玫瑰，如果唔係大哥送會仲浪漫。」為保個唱順利，祖兒更獲贊助商送上1,314萬美元（逾億港元）的「天后級保障」，為未來一年舞台演出投下過億保險。

受訪時，提到祖兒早前到美國進修，她說：「日日都跳成四、五個鐘。（有時間就去拍拖？）食吓嘢啫。」對於被指用飛行里數換機票給男友劉浩龍（師兄），祖兒大方稱：「咁應使得使，換分冇蝕底，OK喎，每人負責一樣嘛。（師兄負責咩？）咪係飲食、交通、接放學囉。」問她開騷歡迎還是禁止男友捧場？祖兒甜笑說：「咁好睇嘅騷冇理由禁止！（場場嚟支持？）到時睇吓點，咁梗係開心有朋友支持。」

祖兒開騷，希望劉浩龍場場捧場。（資料圖片）	祖兒坐大床出場，寓意瞓身演出。	吳雨（左）送1,314支玫瑰給祖兒。

提早開騷

祖兒明年一月一日個唱會提早於六時三十分開騷，問是否趕去出席頒獎禮而有此決定？她坦言原本打算休息一天不開騷：「因為每年習慣一月一日同一大班歌手見面。」最後公司想到兩全其美方法就是提早開騷，待演出後可出席頒獎禮。

文：音樂組