蔣家旻傷得深不信愛情
將踏入30歲的藝人蔣家旻，坦言從不相信愛情，故到現在仍未渴望組織家庭，因為舊愛的不聞不問，拍拖猶如單身，傷她至深，她說：「唔好嘅男仔遇一次就夠！」
在《愛‧回家》中「馬子妮」和初戀情人結婚，現實中的「馬子妮」蔣家旻卻說從不相信愛情，即使將踏入30歲還是單身，未有渴望組織家庭，生兒育女。
她接受《娛場》訪問時，說到曾遇到一個令她傷得至深的男人，甚至連其愛情觀及拍拖方式也改變：「自細我唔相信愛情，如果要結婚，一定要畀到我有共度下半生嘅感覺，曾經遇到一個想同佢結婚嘅人，但拍拖拍得唔開心，好屈就自己，大家嘅愛情觀同價值觀都唔同，佢唔會同我分享佢嘅嘢，好少覆我訊息，愈拍愈似單身。抽離之後先發現我太神化對方，唔好嘅男仔遇一次就夠！」
講起父母眼濕濕
身為家中獨女的蔣家旻，自小被父母寵得如珠如寶，惟她入行十二年來因堅持演藝夢，令她和雙親關係起變化，始終對其工作有微言。提起雙親，她即不禁眼泛淚光，苦笑着說：「講起屋企人就想喊，我想佢哋對我多番啲信心同正能量，我都知呢行係唔穩定，我都知佢哋想我好，但言語間會令我覺得將我同人比較，但我好想佢哋相信我嘅工作能力，可以用啱嘅方法同我相處。不過佢哋都好支持我，無論係半分鐘或一分鐘嘅演出都會去睇。」
https://bit.ly/2Mh1y8o