葉家寶料月底離亞視
已辭任亞視執行董事的葉家寶，據知月中更辭去高級副總裁職位，扣除假期最快可能於本月底前離職。據悉，不少香港及內地大公司有意聘用家寶，但他打算休息後才再工作。
葉家寶昨晚請一班好友包括朱慧珊、張家瑩、蔡國威、劉錫賢等在黃埔慶祝官司告一段落，問何時離職？他謂：「要等公司審批假期，（唔捨得？）當然，希望將來有機會再合作。（有乜打算？）休息吓去旅行先。（會唔會退休？）未，60歲先係人生開始。」
問朱慧珊會否不捨得家寶離開？她說：「我都離開咗，我哋喺外面成日見。」張家瑩則說：「佢係我好尊重嘅前輩。（係咪唔應該退休？）佢仲咁後生，呢行都需要佢呢啲人才。」