馬國明防婆媳糾紛黃心穎：未必關我事！
藝人黃心穎將與洪永城合作，問到可擔心傳緋聞？她笑說：「都有心理準備，因為容易畀人寫，我同洪永城太容易寫，但唔會影響到工作。（同馬國明備案？）唔使嘛，工作啫！如果要備案，佢咪次次都要同我備案？哈哈！」她又力撐馬國明爭視帝，笑說：「要做嘅嘢都已經做晒，我都好希望佢成功，但係都唔想畀咁多壓力佢。」
提到洪永城在網上貼文力撐舊愛唐詩詠，可會效法？心穎笑說：「我唔會，佢已經有好多網民支持，佢知道我有投佢一票已經足夠。」問到馬國明早前預告新年會帶她回家拜年，她笑說：「都有可能去拜年，呢啲禮貌上都要嘅。（會唔會帶佢返屋企拜年？）睇吓佢想唔想啦，都唔使避忌。（佢話買樓係為咗避免婆媳糾紛？）呢樣嘢可能未必關我事喎！」