萬綺雯首次與李思捷合演情侶，即傳緋聞，蚊蚊直指緋聞是笑話，她說：「同思捷合作好舒服，佢份人無私，佢會提議其他人點樣可以令個效果好啲，有商有量，所以成組人完咗個劇都有keep住聯絡、約食飯，團隊精神好強，我都想再同佢合作。（唔怕再傳緋聞？）我唔覺有問題吖！」
蚊蚊又笑言與思捷合作完，雙雙封「王」：「我嗌佢做『爛gag王』，佢啲爛gag令成team人成日笑，氣氛好好，合作得好開心，因為我畀佢啲爛gag搞到忍唔到笑，佢就封我做『甩轆王』。」令蚊蚊忍唔到笑的是一場生離死別戲，雙方只用眼神交代！她說：「劇情講我哋條命相剋，喺埋一齊就有事發生，我哋每每想開始，就會燒燈膽、停電、雷劈，無奈又好笑！」
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
