何雁詩（Stephanie）為慶祝自己新碟推出，決定搞搞新意思，連同師兄張子丰（Fred）夾手夾腳打算整一千個麵包答謝歌迷的支持，不過兩人雞手鴨腳兼經常鬥嘴，幸得麵包師父幫助下，才能夠順利完成。
籌備超過一年的新專輯，終於在十一月底推出，Stephanie決定親手製作隨碟附送的禮物，答謝眾樂迷的耐心苦候，她說：「我決定整一千個麵包，到時喺新碟發布會同宣傳活動上面送畀所有歌迷，多謝佢哋一直支持我！」鑑於麵包數量龐大，於是Stephanie找來同門的子丰幫手：「子丰喺我新碟入面出咗好多力，除咗同我合唱一首《線上情歌》外，又幫手做我MV導演，所以唔爭在今次叫埋佢嚟幫手。」
兩人今次要製作一千個花生醬包，在專業師傅的指導下，兩人順序將糖、牛油、雞蛋和麵粉等材料混合及切出平均的分量，不過Stephanie就對子丰的搓麵粉手勢有點意見：「點解你整得咁肉酸，切又切到邊大邊細o架？」子丰就乘勢反擊：「我都不知整得幾靚。」終於在師傅的「嚴格」監督下，兩人才能夠順利做出合格的麵粉團。
然後就將整個製作重點「花生醬」放入麵粉團內，再搓出長條形後才放入焗爐，靜心等待製成品面世。二十分鐘後，Stephanie捧着焗得香噴噴的製成品和子丰笑說：「全靠我你先做得比較靚。」最後兩人用色彩繽紛的糖漿為麵包裝飾，並簽上大名。
文：音樂組
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
