丁子高通山跑禪修帶走戾氣！
楊千嬅丈夫、任職公關的丁子高除了口才了得、腦轉數快之外，原來亦甚跑得，已有十年跑齡的他，每周最少跑三次，常在陽明山莊附近跑山，試過直跑到鰂魚涌，他說：「我有啲無聊，鍾意買定戲票，然後一個人跑去鰂魚涌，再到太古城換件衫就睇戲，跑一個半鐘左右，唔算快。（最耐一次跑幾耐？）跑山試過最耐一次三個鐘，鍾意一個人跑，可以保持每公里4分40秒，有時都會同囝囝跑，或者同朋友跑，又有另一種樂趣。」
他稱曾參加過全馬、半馬、十公里等不同賽事，最嚮往是到外地跑馬拉松，說目的不是為參加馬拉松，而是想去其他地方做禪修。近幾年研習佛學的他，視跑步為禪修一種，跑步時他會聽自己心跳、聽呼吸聲和腳踏地的聲音，讓自己感受活在當下，他說：「跑步可以將戾氣帶走，好多人鑽牛角尖往往係因為將事情放大咗。我份工作要面對好多人，人與人之間就多是非摩擦，會消化唔嚟，但其實你諗下，有人鬧你一句，嗰頭轉身一分鐘就唔記得你，根本邊有人會理你？會望你？所以毋須要耿耿於懷。」他說跑步禪修令他學會感恩，每日感恩自己可以跑、可以呼吸、有個太太和兒子：「唔識感恩嘅人就會覺得所有嘢係理所當然，學識感恩，每日結束就係每日嘅開始。」
