馮奇施法術理文惡鬥冠忠南區

上周聯賽作客標準流浪，於完場前才被對手追和而痛失兩分的理文，今仗依然有主力前鋒佐迪上陣成疑，後衞謝朗軒則於上仗與陸平中碰撞受傷。對於球隊目前的氣氛，領隊馮嘉奇表示尚算不錯︰「球員最近都有『的起心肝』，可能佢哋擔心會換領隊，新領隊可能唔會採取我哋依家呢一套，而係鐵腕政策，佢哋上場波明顯積極咗。」

「比試邊隊波犯錯少」

「馮奇」再次強調，希望一眾球員能夠在比賽期間避免犯錯︰「聯賽好幾隊波實力好接近，所以係比試邊隊波犯錯少，球隊好多時失球都係自己犯錯畀到對手機會，而唔係對手組織攻勢而入波。」

理文通天老倌 韋健豪	理文前鋒 利馬	冠忠南區後衞 史必

上輪聯賽以一球僅負東方龍獅之後，冠忠南區上周出戰菁英盃，在陸志豪及梁子駿停賽下，仍能跟傑志打成1比1平手，主教練鄭兆聰（Ricky）表示，對球隊最近的演出感滿意，並期望如此表現能夠延續下去︰「就算對東方輸咗，我認為球隊最近呢兩場波打得好好，戰術上發揮非常理想，畢竟兩支對手都係強隊，我哋都只係失一球波。」

冠忠南區今仗有馬高斯因今季累積5面黃牌而停賽，陸志豪則尚餘一場「波監」，不過好消息是養傷多時的比圖復出。「Ricky Sir」雖然表示有信心能夠全取3分，但亦不忘提醒球員不能輕敵︰「理文最近幾場唔係打得差，只係稍為欠運，上仗臨完場先畀對手追和，所以我都同球員講要好小心應付呢場波。」

今日賽程

12月10日(日)

中銀人壽香港超級聯賽

和富大埔 Vs 陽光元朗

大埔運動場

下午2時30分

$80、$30(特惠票)

標準流浪 Vs 傑志

深水埗運動場

下午2時30分

$80、$30(特惠票)

理文 Vs 冠忠南區

將軍澳運動場

下午5時30分

$80、$30(特惠票)