DaDa捱到發燒恨有仔陪
陳靜（DaDa）早前到上海拍攝預計在書展推出的寫真集，剛為電影《喜愛夜蒲》拍通頂的她抵上海後馬不停蹄工作，結果捱出病來，她說：「喺上海每日要拍成十五、六個鐘，有朝拍拍吓覺暈，摸一摸額頭先發覺自己原來發高燒，因為塊面同眼都腫，影相都唔靚，公司叫我不如休息吓，但當時都好內疚，因為出埠拍寫真要使好多錢，好彩瞓足一日就好番，繼續工作。」
DaDa自嘲勞碌命，認為做娛樂圈忙反而是福。而她回想起患病期間，坦言也渴望有男友在身邊照顧：「病嗰日自己喺酒店叫Room Service食白粥，覺得好淒涼，如果有男友喺身邊就好。平時做嘢大班人唔覺寂寞，可能病就會特別軟弱啦。」