羅天宇冇女陪 搵「肌」男攝時間

無綫小花湯洛雯(靚湯)與羅天宇相戀四年,經常被撞破拍拖行街睇戲。近日靚湯忙拍劇,冇女友陪伴的羅天宇日前惟有搵「大隻仔」溫家偉攝時間,到九龍區一個商場內的戲院睇戲。

至晚上九時半戲院散場,羅天宇與溫家偉一齊步出戲院,之後到附近書店閒逛。兩人甫見記者即笑笑口打招呼,並大方企定定任影,態度友善。