側田封祖兒女神黐上天花板喪（目及）
側田相隔兩年多再度踏上紅館開騷，頭場邀得女神容祖兒擔任嘉賓，自爆特別收藏了祖兒的海報，並貼在天花板觀賞，更笑言非常羨慕祖兒男友劉浩龍，令祖兒哭笑不得！其後，祖兒又大讚側田是實力派，若將來有日自組唱片公司，必定會簽側田到旗下。
歌手側田前晚在紅館舉行一連兩場演唱會的頭場，除有三叔為他鋼琴伴奏，唱出《It might be you》暗示歌曲是獻給三年前認識的女友外，在側田唱出一連串快歌Medley時，嘉賓容祖兒驚喜現身，掀起全晚高潮。祖兒問側田為何邀請自己做頭場演唱會嘉賓？他笑言：「我又唔係同你好熟，連飯都未食過！」
慳番整頭髮錢
側田直言一向視祖兒是女神，並將特別收藏的祖兒海報貼在天花板觀賞，更表示非常欣賞她，因她是Superstar，經常帶正能量給自己。祖兒聞言後搞笑問側田用自己的海報來做甚麼？側田說：「我真係好羨慕師兄（劉浩龍）！」祖兒笑說：「畀你過咗一戙！」其後大讚側田有實力，假如有天自己開唱片公司，必定會立即簽對方：「佢係一個多功能歌手，又跳到舞、唱到歌、寫到歌，仲可以慳埋整頭髮錢，我都好榮幸做你嘉賓！」然後合唱《16號愛人》。
除帽好過騷肌
在演唱會中段，側田跟12位女舞蹈員勁歌熱舞後，突然感性地表示出道至今曾經歷迷失期，當時遇上不少高高低低：「當時我去咗北京抖咗3年，依家儲夠子彈再返嚟！你哋唔好喊呀，我都唔會喊，我喊就唔好睇啦！」之後螢幕中間分拆出一個長形、鋪有紅地氈的舞台，側田就換上白色西裝再出場演唱歌曲《命硬》，期間全場歌迷齊齊大合唱。側田再與女舞蹈員跳舞，跳到身水身汗的他脫掉紳士帽抹汗時，在場觀眾立即尖叫，他笑說：「有好多記者都會問我演唱會入面會唔會騷肌，我就話唔需要，我除帽就得啦！」令全場爆笑。最後側田兩度Encore獻唱《頭條新聞》及《美麗之最》為演唱會畫上圓滿句號。
另外，鄭俊弘在台下捧場，身旁正是女友何雁詩的媽媽，何雁詩昨在電話表示：「因為我要做嘢，所以叫鄭俊弘去睇。」
文：音樂組
攝：張福宏