林一峰想「嫁」林奕匡：互相幫大家吹吓嘢！
歌手林一峰及林奕匡（Phil）前晚在九展開騷，獲Phil太太、一峰妹妹林二汶等人到場支持。期間一峰自爆《遇見》本身是寫給古巨基：「但佢唔要，之後就畀咗孫燕姿。」當Phil唱《高山低谷》時，一峰為他吹口琴伴奏，而當一峰唱《回到花開的那天》時，Phil就為他吹色士風，一峰大講有味笑話：「我哋互相幫大家吹吓嘢，開心啲。」觀眾即大笑。
受訪時，講到在台上表示愛上Phil，想嫁給對方，一峰笑說：「點解唔可以愛上佢？香港有呢個歌手好值得珍惜。」講到基仔沒有要到《遇見》，一峰表示唔嬲：「歌有歌命。（覺得佢走寶？）又唔會，係緣分。」對於一峰在台上自嘲不及Phil高，Phil笑說：「今日全部係『高山低谷』對比，例如佢靚聲，我沙聲。」
