杏兒等Mr.R現身 心急睇樣
無綫藝人胡杏兒之前獲Mr.R送花，但還未找出送花人，昨日她在活動上笑言可能是粉絲所為，問會否接受粉絲追求，她指要睇睇個樣先。活動上杏兒與香香一展廚藝，羅仲謙突然出現享齊人之福。
胡杏兒、羅仲謙、岑麗香等昨日出席無綫劇集《醋娘子》宣傳活動，杏兒早前出發到新加坡宣傳時，於機場收到一紮署名Mr.R所送的玫瑰花，當時杏兒有估是此劇拍檔吳卓羲（Ron）所送，不過Ron卻否認，杏兒笑言至今還未尋得送花人，亦未見有人自首「認頭」，更笑言可能是粉絲送，問她會否接受粉絲的追求？她說：「冇諗過喎！不過佢現身先講啦！現身可以諗吓，（即係要睇樣先？）呢個都好重要！」
說到Ron缺席宣傳，杏兒指Ron最近忙於內地拍劇搵真銀，加上今次的宣傳是因劇集的口碑好而臨時加的。另外，提到台慶劇《名門暗戰》加送現金獎給觀眾，怕否《醋娘子》收視被搶？她說：「唔會，啲觀眾係由八點半睇到十點半嘛！（唔公平？）唔會，冇所謂，《名門暗戰》係台慶劇嘛，最緊要係觀眾睇到。」
拍城城鞏俐有壓力
活動上，羅仲謙突然現身，一嘗杏兒與香香的廚藝。他透露最近去了無錫拍電影，更夥郭富城、鞏俐拍攝電影《西遊記之孫悟空三打白骨精》，對於角色，他故作神秘不肯透露，但直指與巨星合作倍感壓力，他謂：「每次化妝都要六小時，其實今次每個造型都好型，以型為先，（好難認？）對眼就冇遮住，見到對眼就會知係邊個。」問到女友楊怡有冇叫他去玩時不要飲酒，他謂：「我自己開工都未顧得掂。」
至於香香被指於劇中做類似「小三」角色，她即解釋：「古時係冇小三呢樣嘢，係妾侍。」此外，早前杏兒與黃浩然到新加坡宣傳，與現場粉絲玩遊戲。
文：影視組