龔嘉欣生日肥一圈

問生日願望是否想快點拍拖？嘉欣笑說：「梗係唔係，我都唔急。（唔係同沈震軒拍拖咩？）沈震軒係倪晨曦o架！我講緊緋聞女友位置，生日願望係希望零緋聞。」有指舊愛鄧健泓向女友石詠莉求婚成功，嘉欣表示會透過共同朋友送上祝福，坦言大家已沒聯絡，認為雙方保持普通朋友關係較好。同場的黃淑儀兒子徐肇平早前被影到與女生約會，他指該女生只是好友。