唐詩詠被意男突襲錫到呆咗

唐詩詠與閨蜜黃翠如昨日分別出席活動,二人剛結伴到紐約工作,詩詠自爆懇求翠如完成工作後留在當地一起遊玩,她笑說:「佢依家有家室,所以要問埋佢老公蕭正楠,好彩佢都知我悶,所以應承,畀咗一日我哋,好過冇啦!」

賞月10秒唔浪漫

問到在當地可有艷遇?詩詠笑說:「冇呀!不過坐出租車,個意大利司機送咗個Goodbye Kiss畀我,我當時都呆咗,哈哈!(靚仔?)OK啦!大概30幾歲,但係畀佢錫完都有啲嚇親。」她強調現時單身,很享受一個人的時光。

而翠如受訪時笑言感覺到該意大利司機很喜歡詩詠,又稱自爆「人妻」身份後全程遭冷落,她笑說:「咁我都希望詩詠有艷遇,可以自己去玩吓。我就有啲心虛,因為中秋節返唔切嚟,結果追月嗰日陪番老公,但佢睇咗10秒月光就話走,都唔浪漫。」

翠如又分享飲日本清酒的感受,她自認酒量不差,但入行初期跟陸浩明等同事到蘭桂坊消遣卻被灌醉,嘔吐大作,要同事送返屋企,十分醜怪。她又讚老公蕭正楠意志力強,酒量很好,但飲醉時會自言自語及唱歌。