王菲手機洩蜜 封霆鋒王上

日前王菲專程由北京來港四日三夜出席好姊妹劉嘉玲的49歲生日派對，亦爭取時間跟謝霆鋒拖手見人，享受被祝福的喜悅。前晚王菲賀完嘉玲後，香港之旅亦告結束，王菲昨晨九時從位於汀九皇璧寓所前往機場，而同一時間，霆鋒亦在灣仔半山住所出發，準備搭同一班機返回北京的「家」。

心繫情郎

王菲於早上10時30分抵達機場，戴着黑超、穿黑大褸及圍紅色頸巾的她，孭着紅色「學生背囊」，手拿咖啡杯步入離港大堂，面對大批傳媒表現cool爆，問她「係咪同霆鋒一齊返北京」、「霆鋒係咪開公司力捧童童（竇靖童）出碟？」及「去完嘉玲生日party係咪好攰？」她全程默不作聲，只顧走到櫃台check-in，沿途不少遊客「聞菲舉機」，用手機借位與同王菲自拍「合照」。

王菲低頭玩手機，與封為「nic-king」的霆鋒聯絡。

謝霆鋒與王菲玩前後腳，只與助手入閘。

王菲等候辦登機手續期間，心思思手機，見其手機螢幕顯示正跟代號為「nic-king」在WeChat，王菲打訊息問：「有車跟你嗎？」因霆鋒英文名為「Nicholas」，故「nic-king」相信就是霆鋒，當王菲發現傳短訊被拍時即一臉愕然說：「唔好影！」隨即心口擋手機免再洩密，但入閘時亦友善跟傳媒揮手道別。

謝霆鋒離港前風騷揮手道別。	化身白馬王子的謝霆鋒，昨晚在北京演出。	林志玲昨晚抵冷騷香肩，與霆鋒同場出騷。

避談前妻

至於「謝王上」霆鋒相隔15分鐘到機場，黑帽、黑風褸及黑超打扮的他，由助手表哥陪同現身，傳媒聞「鋒」而上，問到是否和王菲一同返北京？罕露笑容的他說：「唔答啦！（點解冇去嘉玲個party？）我有嘢做，所以去唔到。（去北京有嘢做？）去北京係出席一個活動。」問到前妻張栢芝傳自殺又有財務糾紛被追債，霆鋒則沒回應。再問到聖誕節會陪兩名兒子還是和竇靖童過節？霆鋒就謂：「唔答啦！」霆鋒除提醒傳媒小心，於入閘前跟女友同一動作揮手道別。而昨晚穿白西裝的霆鋒以白馬王子look做騷，全程嘴角含春，風騷非常，同場還有林志玲、陳慧琳和前韓國男團EXO的鹿日含。

文：音樂組

攝：追蹤組