阿佘坐定粒六封后 懶得拉票
提名今屆視后的佘詩曼、徐子珊及鍾嘉欣昨晚出席聯歡盆菜宴，理應上演視后前哨戰，但子珊及嘉欣未打先認輸，齊聲指阿佘贏面極大。至於阿佘全晚最受歡迎，被問到有否拉票，她風騷笑說：「唔知要拉票喎！唔係嚟食飯咋咩？」
無綫昨日在電視城舉行職藝員聯歡盆菜宴，筵開200圍，行政主席梁乃鵬率領2,400名員工到場，當中約300名藝人出席，包括佘詩曼、鍾嘉欣、徐子珊、高海寧、黃翠如、蕭正楠、王祖藍、李亞男及朱千雪等。
有份提名今屆萬千星輝頒獎禮視后的阿佘、子珊、嘉欣及翠如先上演「人氣比併」，最終以阿佘最受歡迎，大批同事排長龍要求與她合照，櫈都冇得坐暖，未贏獎項先贏聲勢！雖然頒獎禮下周一才舉行，但昨日網上已有一份「得獎名單」曝光，郭晉安及阿佘被指將奪得視帝視后，蔣志光及陳敏之奪男女配角獎，林峯及鍾嘉欣奪喜愛男女角色，張繼聰及黃翠如奪飛躍進步男女藝員獎。
子珊預告靚爆赴會
往年出動綵帶大聲公拉票的子珊今年兩手Fing Fing，她笑言因想不到新意拉票，對於被傳將食白果，她說：「正常呀！我都投阿佘啦！到時我扮靚啲到就得喇！（有傳你情緒受困擾！）冇！仲係好亢奮，之後都會拍電影。」而鍾嘉欣對於被指得角色獎，她直言相當開心：「我想拎呢個獎，《飛虎II》個角色令我轉型做打女，過足戲癮！」但提到視后，她則拱手讓予阿佘，狂讚對方是藝人榜樣：「輸畀佢都心甘命抵！（你點拉票？）冇呢啲潛質呀，唔知講咩咁，好怕醜！」
呼聲最高的阿佘被問到如何拉票，她即風騷地說：「唔知要拉票喎！唔係淨係嚟食飯咋咩？（贏硬所以唔拉票？）唔係，冇準備啫！都有叫Fans投票。（網上傳你贏？）都未截止投票，都想個個開心。（嘉欣話抵輸畀你！）佢都做得好好，大家支持吓《大藥坊》啦！」對於跟無綫已滿約的林峯仍被指有獎，阿佘撐對方多Fans，但未知他會否出席頒獎禮。
黃翠如睇好高海寧
此外，被傳贏得飛躍獎的翠如直言冇信心，並睇好高海寧得獎：「我機會好微！自己都唔好意思拉票。（有傳你男友蕭正楠輸畀蔣志光！）咁阿蔣係大機會，佢係全香港嘅集體光榮。」至於張繼聰則自認「脫俗」，沒有留意關於賽果的傳聞：「聽到呢啲消息就好緊張，有得提名已經好開心好光榮，我都好滿意啲作品。」
文：影視組