黃長興炒股買樓遺失浪漫

05年落選港男黃長興最近傳獲闊太「照顧」，打本給他開法國餐廳，長興為表清白，自爆有一位拍拖年多、年僅25歲的女友Peggy，他無奈地說：「真係好無辜，明明係自己儲錢開餐廳，瞓晒身落去做，點知被扭曲話有人打本畀我搞生意，真係幾hurt。」他表示幸得女朋友明白：「其實我份人好專一，每次拍拖都好認真，亦唔會刻意收收埋埋。」

撐枱腳靜默3粒鐘

大部分人都覺得法國男仔特別浪漫，定居香港多年的長興直言已融入港式生活，對「浪漫」二字早已拋諸腦後，他笑說：「浪漫係要用時間去堆砌，以前試過同一個女仔食飯，三個鐘唔講嘢就叫浪漫，但香港人生活節奏急速，我依家都係同人講吓股票行情、買樓、買車，覺得自己變咗好多。」

演變態角色有發揮

長興直言現在為生活會努力工作，近年獲無綫器重，除播映中的《談情說案》外，還有《刑警》未播出街，他說：「愈嚟愈鍾意演戲，尤其係《刑警》，雖然唔係男主角，但劇中飾演一個變態攝影師，雖然係奸角，但好有發揮，自己睇番回帶都覺演得好陰沉，期待可以快啲出街。」

文：專案組

攝：馬永堅　服裝及場地：Miss Sixty