天明認錯：冇做背叛家蔚嘅嘢！
已為人夫的洪天明早前被指疑背妻拖女，即惹來不少網民狂轟，一直未有就此事回應的天明，終於現身公開認錯！昨日天明與太太周家蔚分別前後腳「蒲頭」，戴着婚戒的周家蔚表示純粹誤會，對老公百分百信任；而剛從內地返港的天明，亦解釋是一場誤會，堅稱絕對沒有背叛過太太，但認為自己亦有要檢點的地方，並向所有關心他的朋友講聲：「對唔住！」
現年43歲的洪天明與前港姐亞軍周家蔚結婚五年，先後誕下兩名兒子洪大仁及洪竟琋，一家四口幸福滿瀉！不過，早前有指天明在上海酒吧夜蒲，疑拖着一位戴帽的長髮女返酒店。事件曝光後，周家蔚一直被指「潛水」，連日來沒有開腔回應的她，於昨日下午2時40分，獨自步出寓所往取車，穿上牛仔短褲騷長腿的她，手上仍戴着閃爆的鑽石婚戒，甫見記者即微笑，問到與天明關係如何？她說：「OK呀！冇乜特別。」提到天明疑拖女一事，她說：「純粹一場誤會，佢當日飲醉酒！」問是否100%信任老公？她重複兩次說：「信任！」其後她透露老公現正回來。事後她再接受本報電話訪問時強調：「我相信天明，天明對我和家庭都是很負責任的！純粹一場誤會，謝謝大家關心！」
「真係一場誤會！」
相隔差不多一小時，剛從內地返港的天明在司機接載下乘七人車返回寓所，戴帽及黑超的天明，強調沒有背叛過太太，他說：「冇乜特別回應，呢件事唔係大家想像咁差，係一場誤會，啲網民影響都幾大……標題嗰樣嘢啦！但真係一場誤會，我就絕對冇對我太太做出任何背叛嘅嘢，最緊要屋企人信任，同朋友嘅支持。至於網民方面，希望大家唔好淨係睇表面就判咗我死刑。」對於受到網民抨擊，天明戥太太無辜被罵而動氣：「讀者為我太太而出氣，網上鬧我，我理解嘅，佢哋會覺得戥我太太唔抵要發洩，但有啲讀者說話係好離譜，鬧埋我太太、鬧埋我屋企人，我希望大家說話要三思。」
搞到老婆唔開心
最後天明解釋為何一直沒有回應：「因為呢件事唔係真嘅發生嗰件事，唔係去到咁壞嘅事情，我覺得唔需要回應，所以今次我講完之後，希望大家唔好再影響我屋企，我亦都有自己要檢點嘅地方，有啲地方亦都要去Change。我向所有關心我嘅朋友講聲對唔住。」他亦直認事件令太太不開心，但暫時沒有影響婚姻關係，坦言日後需要時間和太太溝通。接受完訪問後，天明自行搬行李返回寓所，未幾又再外出繼續工作。
文、攝：追蹤組