甄澤權刀鋸莊思敏

魔術師甄澤權（Louis）為其「世界魔術巡迴之旅-香港站」做足準備，日前請來好友莊思敏請教她化妝技巧和台上的儀態，望能在台上給觀眾一個全新面目的魔術表演，Louis說：「因為化妝同衣着對魔術師在台上表演都好重要，表演時肢體動作和pose都好多，所以要向莊思敏指教吓。」Louis表示平時喜歡穿深色衫，而莊思敏則建議他可嘗試一些鮮色上衣，更吸引到觀眾注意力，她說：「Louis出咗名係後生又靚仔嘅魔術師，所以一個淡妝都好適合，唔適宜太花巧。」

現場睇感覺震撼

曾現場欣賞過Louis表演的莊思敏，指當時見到他將現場觀眾凌空升起，感到好震撼，如果今次獲邀上台做嘉賓，希望可以試吓做「刀鋸美人」，她說：「因為對我嚟講係最經典嘅魔術，但我知依家好多演變甚至可以鋸開後拼合去其他人度，好有趣。」

甄澤權向莊思敏請教化妝技巧及台上儀態。

甄澤權為魔術巡迴之旅做足準備，希望帶給觀眾新驚喜。

請觀眾穿梭時空

難得莊思敏自動請纓做嘉賓，Louis當然不會錯過這個機會，他說：「好提議喎，你想被直鋸？定打橫鋸先？因為你身形夠高，對腳又長，鋸出嚟應該視覺效果幾好。」Louis又表示今次會表演好多大家未見過的魔術，他說：「因為有好多觀眾喺電視睇過我表演，但仲有人係覺得係經過剪接或做後期，所以今次希望可以觀眾現場即場感受下，邀請觀眾上台，帶佢哋穿梭時空去到另一個地方，仲會喺當地拎一個物件返回演出場地，係一個新挑戰和嘗試。」

文：影視組