陳世美：小弟最近聽老友講珠海有啲二奶割房出租，仲話好鬼抵，搞到好多老友都上去搵番個二奶包吓，我都心郁郁，唔知係咪真係咁抵，包埋肉金都係一個月三千蚊港紙，我畀得出呀！不過驚甩唔到身，唔知各位師兄有咩高見？
大頭：嘩！你真係想死定喇！包二奶已經夠煩喇，仲要包多幾個，不如出去滾，乾手淨腳，唔使纏身又唔會有手尾跟，都唔明男人總係要惹禍上身先安樂。
阿龍：係男人都想三妻四妾喇！一個女人邊可以滿足男人嘅慾望，計我話咁平，包多兩個都得呀！反正二奶嘅嘢，畀老婆知道嘅話，包一個又死，包兩個又死，橫死掂死，不如包番夠本先。
老師：我絕對唔贊成男人出去滾嘅，因為我係一個老師，為人師表應該做好榜樣，唔可以包二奶，尤其是已經成家立室嘅男人，更加要控制自己嘅情慾。