宅男天地：博客女王露嬌軀

一個人上咗位就自自然然會錫身，好似好多動作演員咁，一旦成名，要進行危險動作，梗係交由替身去做，好多日本水着女優成名之後，亦多數會轉做主持或演員，鮮有再拋胸露乳，出賣胴體搵食。不過，好似有秋葉原博客女王之稱嘅中川翔子就唔係咁諗，一於趁自己仲後生，身材仲係咁索，幾大都再拍一本寫真集晒料。今年26歲嘅中川翔子自成名之後動作多多，出道呢十年之內，除咗有唱J-POP、拍電影、拍電視劇，仲畫過漫畫以及寫書。翔子近期為咗紀念上次本寫真集隔今已有十年歷史，亦希望再次將一副嬌嫩胴體展示於大家眼前，所以就決定推出新一本寫真集，名為《經由中野，向塞班島出發》。而寫真集當中，翔子除咗會以一身性感三點式現身於塞班島嘅海灘，仲會換上火辣內衣上陣，就算唔係佢嘅Fans亦要多多支持呀！