元華曾講過，做個負責任嘅男人，上床嘅時候一定要做足安全措施。但係，家陣便利店同超級市場雖然都有唔少，但係好似村屋一類嘅偏遠地區，要搵安全套就非常唔方便喇！情到濃時，女方不停要求有套至肯就範，但係又搵唔到安全套，你話情況幾危急呢？如果大家身處於紐約的話，呢個問題其實好易解決，因為一個國際安全套品牌，最近特設咗一架類似流動圖書館嘅貨車，不過呢架車入面就冇書睇，因為佢專賣安全套同埋震震環！呢架車將會於紐約市四圍去，除咗有套賣，入面仲有關於推廣安全性行為嘅資訊，如果香港亦有呢種車，相信可以解決唔少未婚媽媽嘅問題喇。