立亂上大床 警報即時響

男人最怕係畀其他男人上自己張床,最近有新發明,一旦發現有咩依郁,手機就會即時收到信號。係人都希望交歡可以順利進行,之不過有時卻會發生意外,我哋一陣就睇睇英國男女喺床上出現過邊種意外啦。好多男人都希望可以同AV女優「來一發」,若然畀佢哋發現自己嘅女友曾經拍過AV,佢哋又會點做呢?

偷食即知

師傅成日都教我,千祈唔好喺度食就喺度屙,唔好喺自己屋企或者搵食地點搞搞震。之不過,我唔搞啫!其他人搞我就真係阻止唔到,亦正如好多人自己行得正企得正,但係就遇到個花心伴侶,更加肆意偷食,最慘就係偷到返屋企,喺自己張床同其他人鬼混!為咗監察自己張床,一款叫做Smartress嘅床褥就應運而生!佢表面上同一般床褥冇分別,但係就有24個超聲波掃描器藏於床褥四條邊,可以用嚟繪製出床褥嘅3D圖像,再透過互聯網畀遠在家外嘅用家以相應手機程式監察張床,睇吓張床有冇不尋常郁動,踢爆伴侶有冇趁自己外出偷食!Smartress叫價1,200英鎊,約為萬幾蚊港紙,價錢尚可接受。話時話,小弟我就覺得Smartress作用未必太大,因為偷食未必一定返自己張床,外出爆房仲刺激啦!

突然放屁

不幸嘅意外出現於兩種情況最令人不知所措,一種就係喺如廁嘅時候,另一種就係上床嘅時候,而後者唔單止會影響到自己嘅性趣,仲會影響埋伴侶嘅心情。最近,英國一個傳媒就訪問咗2,527位年齡為21歲或以上嘅男女,睇吓佢哋曾經喺交歡之時遇到咩意外搞到性趣驟失。有58%男士試過交歡時女方突然放屁,個人認為放屁都唔係問題,最大問題係個屁如果係好臭的話,就唔單止令性趣急降,我會即刻着衫走人添。另有37%男士試過交歡時女方經期殺到,無情情變咗「衝紅燈」,不過都唔及有21%受訪男士咁可憐,因為佢哋嘅伴侶居然喺交歡嘅時候發笑,男方個心一定會諗:係咪笑我太細先?至於女士方面,有26%遇過男方居然上床時打瞌睡,呢班男人認真罪大惡極!另外,就有21%女士表示遇過男人做愛做到喊,乜同女伴上床真係咁淒涼咩?

介意女友係女優

好多朋友都知道小弟係一位狂熱嘅日本AV迷,幾乎每一日都要睇幾部AV至可以瞓得着。當中有朋友就叫我索性去日本搵個AV女優做老婆,我份人就冇乜所謂,如果有心儀嘅女優畀機會的話,我一定願意。之不過,各位朋友,你哋又介唔介意,或接唔接受到自己嘅女友係AV女優呢?日本早前就進行過一次相關調查喇,結果有46%受訪男士表示介意,仲會因為知道女友拍過AV而分手,部分原因係難以向父母解釋,亦怕父母知道之後唔畀女友嫁入家門。另外,亦有人表示如果知道女友拍過AV,會喺每次上床之前都會擔心喎。而有53%受訪男士則表示唔會因為咁而同女友分手,唔太介懷對方嘅過去,亦有人話只要女友以後專一咁同自己就冇問題。

撰文:賢