伊士拿又打成6粒鐘馬拉松！
【本報綜合報道】美國「巨人重炮」伊士拿再成「馬拉松網賽」主角！繼兩年前於溫布頓創下「打足三日」經典後，伊士拿昨在法國網球公開賽與擁主場之利的馬菲激鬥5小時41分鐘，締造法網第二最長「馬拉松戰役」，也是大滿貫史上第四最長，最終伊士拿在決勝盤僅負16比18，大呼失望。
作為魯迪克及威廉絲姊妹出局後的美國希望，伊士拿拚盡最後一啖氣，在長盤制下決勝盤打了34局，最終救了六次決勝分的伊士拿終於「頂唔住」，一記正手打出界，終以7比6（7比2）、4比6、4比6、6比3及16比18見負，次圈止步。
決勝盤輸16:18
2010年溫布頓，伊士拿與法國的馬亨大激鬥11小時5分鐘，創下最長時間網賽的紀錄。昨仗賽後被問到有否勾起與馬亨一戰的回憶，頗為忟憎的伊士拿說：「冇呀，我只可以話我咁樣輸波好失望……我唔知道，成6個鐘頭，我唔應該打成咁……我成場波都打得唔夠放……」
馬菲賽前特別向同胞馬亨請教對付這位2米06的高佬重炮，馬菲說：「馬亨告訴我『佢開波嘅落點係無法預測嘅』，我只好金睛火眼搏命去接佢嘅發球。」
法國的基斯昆特就打到嘔，才反勝保加利亞的迪米杜夫，後者在激戰下亦打到抽筋。