禪師的最後探戈

第四次爭三連霸

被譽為NBA史上最成功教練嘅積遜，唔經唔覺已經踏入湖人第十一個賽季。基於薪酬及健康問題，積遜在上季多番透露離隊意向，曾經有傳佢會接手紐約人，另最大可能就係在高峰中引退，不過積遜明顯放唔低「四次三連霸」嘅誘惑，在開季前作出詳細健康檢查後決定續留一季。其實積遜在職業生涯間，已經拿過十三次總冠軍，其中兩次以球員、十一次以教練身份奪得，係NBA史上奪得最多冠軍嘅教練。

除積遜之外，三十六歲嘅老大哥費沙亦於季前拒絕多支球隊邀請，選擇以較低薪酬續約爭冠。費沙指出，効力湖人係一件無上光榮嘅事，所以佢從冇睇過其他球隊嘅價錢，一心效忠湖人。