性工作者莫講話要搵到真愛，就連平時搵個伴傾吓心事或者癲番晚都好難！有見及此，英國一個地下關注性工作者組織，早前就舉行咗個Party，等一眾同行有機會互相分享同交流，同時等呢班寂寞嘅癡男怨女有發洩嘅機會、識番個伴，重拾做人目標。由於入場嘅玩家背景相近，所以人人都玩得鬼咁投入，難怪速配成功率咁高啦！
據講呢個名為「All About Love」嘅地下性組織成立超過五年，一直為性工作者爭取合法權益而奮鬥。早前組織就做咗個電話調查，發現經濟衰退時性工作者嘅收入會大大減少，但經濟好轉時就分享唔到任何成果，仲成日畀人客當玩具咁嚟發洩，搞到佢哋身心受創、出現自卑心態！
組織發言人Blake Rose表示：「唔少人都認為性工作者遇到嘅最大問題，一定係尊嚴被踐踏。無可否認，大部分性工作者都會因為呢個原因而感到孤立無援，但據我所知，大部分人喺入行前，早已有心理準備會畀人當出氣袋，但其實真正令佢哋失望嘅，就係難以找到另一半！外界一直誤以為性工作者一定係貪慕虛榮，寧願出賣肉體都唔願意安分守己搵工做，因此往往好抗拒同佢哋談戀愛。的確，好多性工作者即使有人追，亦會因自卑而難以投入去愛，理由係怕受到傷害！」
為咗令班性工作者可以搵番個伴，組織最近就喺一間私人會所舉行咗一次會員派對，吸引大班從事色情工作嘅男女參加。由於眾人背景相近，所以好易溝通到，遇到合眼緣嘅，就自然更易發展成密友、甚至戀人啦！根據喺現場觀察所得，呢班性工作者當晚真係High到爆，邊跳邊剝衫之餘仲猛劈酒添！當中唔少男女更加喺現場廁格內率先開火，實行爆完再玩過！
其中一個參加Party嘅性工作者Sammy Smack就好興奮咁話：「一直以嚟，我哋呢行都不受尊重，感覺好孤單，不過今日我真係覺得自己好有存在感，可以同大家分享工作壓力之外，仲可以識到啱心水嘅男人，佢哋唔會介意我嘅職業，令我可以毫無顧忌咁去發展一段新關係，唔使好似以前咁偷偷摸摸，怕畀男友知道我做緊邊行，令我覺得好自在！」
講番嗰晚嘅遊戲就真係過癮喇！好似「Pat or Beer」遊戲咁，大會主持會喺現場先抽三件索女上台，要佢哋趴喺地同埋趷起個Pat Pat，然後回答主持人問題，答錯者就要被罰打Pat Pat或者被冰凍啤酒淋股。當晚所見，每位上台嘅囡囡無論答啱定答錯，都會畀人淋到一褲都係，台下男士望住囡囡條底褲由乾變濕，試問又點會唔興奮呢？而其中一位囡囡喺畀啤酒淋到靚籮時，更索性慢慢剝埋條T-back，等大家睇住啲啤酒沿股罅一直流到大髀內側，引起在場人士吶喊尖叫，意淫度爆燈！
到咗玩剝衫遊戲嗰陣，主持人會先叫樂手奏起強勁嘅音樂，當音樂一停，就會叫台下男士剝低身邊女伴嘅衫褲，然後再交回台上，邊個可以喺一分鐘內奪得最多胸圍底褲嘅就叫贏，雖然贏咗冇獎，但參加者依然非常落力，加上有機會識到啱心水嘅另一半，自然人人盡興而歸啦！
撰文：祖