熱火麻煩控衞艾斯頓早前擅自離隊，加上冇同球會聯繫，所以熱火正式宣布，艾斯頓今季餘下賽事都會受停賽處分。
熱火總裁萊利向來着重紀律，今次亦係佢決定將艾斯頓停賽，萊利指出：「雖然我從媒體中得知艾斯頓因為家人問題而離隊，可惜佢一直冇同球會聯絡，實在不合理。球隊要專注爭入季後賽，所以現階段非常重要，唔容許出現此等違紀問題。」艾斯頓今年已經卅四歲，美國傳媒揣測，事件有可能令佢就此退役。