佩斯比拿提早收咧

事件被揭後，「狂人」接受傳媒訪問時解釋，佢只係為咗初生女兒着想。亞連拿斯話：「事情發生喺本月十日，我女兒剛出世，因我唔想佢身邊有槍，所以就將支槍帶到主場館嘅個人儲物櫃內，而一星期後我就交咗畀保安，叫佢哋交畀警方，因為我認為已經毋須再擁有槍械。」

雖然ＮＢＡ確實允許球員合法擁有槍械，所以亞連拿斯唔會受到刑事檢控，但因為ＮＢＡ規定球員唔能夠帶槍參與聯盟嘅任何活動，包括帶槍入球場，所以「狂人」已經違反條例，將會面臨罰款及停賽嘅處分。

另一個倒霉球員就係拓荒者後備中鋒佩斯比拿，佢早前對小牛時受傷後已完成右膝手術，並證實會緣盡今季賽事，因拓荒者已有奧登提早收咧，現時可謂陷入中鋒荒。