尋日Jeffrey同我哋講，選舉後同唐唐食過兩、三次飯，唐唐都係話放完假睇睇先，再決定動向，完全冇抱住「咪搞我」嘅心態，唐唐仲係有心服務香港咁話。Jeffrey仲同我哋講，「我覺得你哋以後會常常見到呢個人（唐唐）出現。」
Jeffrey咁緊張幫唐唐「大平反」，澄清佢唔係退出政壇，莫非佢想招攬唐唐入經濟動力？Jeffrey就話「唔排除一齊做啲嘢」咁話喎。咁搞法，唔通Jeffrey會取代大輝，做唐唐新嘅「家臣」？
話時話，唐英年最近發咗封信畀選委，再三向選委表示感謝，信嘅結尾仲話：「衷心感謝，今天如此，永遠如此。」又話感謝信好難落筆，所以到最近至寫。