政情：政府宣傳片睇見都眼冤

尋日CNN旗下嘅CNN go發表「最令人眼冤嘅香港政府宣傳片」，「起錨歌」追過其他爛宣傳片，極速上榜，CNN go仲繼續狂轟「起錨歌」係「披着羊皮的狼」，極具政治意味。

就算係義務相助嘅MC Jin亦難逃被批命運，CNN go話佢不斷令市民回憶起五月嘅「起錨騷」，令成條片變成一張極具政治意識嘅聖誕卡，完全違背恭祝聖誕嘅原意，而MC Jin嘅表現更加同佢過往嘅表現大相逕庭，一啲都唔似rap，好似唱兒歌咁！

除咗「起錨歌」之外，上榜嘅仲包括鬍鬚曾上年財政預算案嘅宣傳片，仲有食物安全標籤宣傳片等，全部都被評為睇見都眼冤！