政情：英姐斥政府招聘手法縮骨

上周三立法會辯論梁展文事件報告，公務員事務局局長D姐俞宗怡備受抨擊，佢尋日又上立法會，不過係討論政府用中介公司請人嘅問題。喺調查梁展文事件專責委員會做主席嘅勞聯李鳳英繼續啄住D姐唔放，開火鬧政府作為最大僱主，除咗用非公務員合約方式剝削僱員外，仲使出中介公司請人呢招，造成員工薪酬福利一層衰過一層。不過D姐今鋪唔認輸，據理逐一反駁英姐講法。